Ondjayi yetanga leameno mo Madagascar, Colonel Michael Randrianirina aningwa omupresident woshilongo

Ondjayi yetanga leameno mo Madagascar, Colonel Michael Randrianirina nena okwa a nifilwa oshinakuwanifwa onga omupresident woshilongo.

Oikundaneki oyati Michael,  okwa ningwa omupresident woshilongo konima ashi oshilongo sha kufwako keenghono detanga lopakwaita, shalandula kehololomadiladilo la tukuka moshilongo li kwetelwe komesho kovanyasha ovo tava yandje oushima kepangelo kutya ota liyandje omayakulo anghundipala koshiwana, osho sha kwatelwamo omumbwe yomeva no lusheno

Ota kulopotwa eshi oshikondo sho pakwaita shakufako epangelo,  oo eli omupresident woshilongo , Andry Rajoelina,  aya onapo noinakushiivika opo eli.

Eanifo la Randrianirina onga omupresident,  ola ningwa mekwatelo komesho lomangu yo pombada moshilongo pamwe no vatokoli veli 9.

Randrianirina pefimbo tayandje oshipopiwa shaye koshiwana eli momidjalo dopakwaita,  okwa udaneka taka eta elunduluko noku ninga elunduluko mekotamango loshilongo.

Okwa pula oukumwe no ufemba woshiwana oo ukalekwepo moshilongo.

Lwopokati opo ehangano loiwana yahangana ola ulika ina limbilipalelwa ketokolo loku eta elunduluko mepangelo loshilongo, omanga ongonga hangano yoilyolongo ya Afria (AU) yoo ya xulifapo oukwashilyo wayo na  Madagascar,  konima eshi etanga lopakwaita olo la kufako eenghono depangelo.