High Commissioner waNamibia ko Ghana Ndiyakupi Nghituwamata, okwati omadeulo TVET oku li fimbainongodi komayambulepo oshilongo

High Commissioner waNamibia ko Ghana Ndiyakupi Nghituwamata, okwati omadeulo elongo loiputudilo yopaungoba (TVET) okuli oshilongifo shakola osho tashi pumbwa elongelokumwe.

Ouyelele wapitifwa kehangano loNamibia Training Authority owati edi high commissioner okwe dipopya  Pefimbo atalelapo oshiputudilo sho  (NTA).

Nghituwamata, oo ali nale noshinakuwanifwa shounashipundi mewiliko lo NTA, okwa denga omufindo nghene oshikondo sho NTA shili efimano lakola keyokomesho loshilongo.

Okwati pefimbo eli elinekelelwa oshinakuwanifwa shoukaleliposhilongo ko Ghana, ota ka kwashilipaleka kutya okwa longa moukumwe umwe nepangelo la Ghana, meyambidido loku yambulapo no kweeta etungululo moshikondo sho TVET.
Okwati Namibia, okuna yoo omito oku likola ouyelele neshiivo olo ha li longifwa moshikondo shafaafana ku Ghana, osho ta shidulu oku yandja ouwa kexumokomesho loikondo ngaashi omahooli no muku wo gas.
Pefimbo opo tuu opo, oo eli omunambelewa omukulunhu wendiki lo TVET Erick Fundula Nenghwanya, okwa ulika eudo nawa laye tayelifile omukaleliposhilongo wa Namibia ko Ghana, nghene elongelokumwe loilongo ivali lili la pumbiwa moku nghonopaleka omulandu woshikondo sho TVET mo Namibia.