Omutamanekwa moshipotha sho Namdia Joel Angula a tindilwa obail

Ngoka kwali omugameni gomaliko mehangano lyo Namib Desert Diamonds,Namdia,okwa tindilwa obail sho a holoka mompangu ya Mangistrata gwa Windhoek omandaaha,miipotha yiimanga kuufuthi wuuwe wongushu ya konda poodola oomilion 300 mu Jan 2025.

Omunamimvo 45 Joel Angula okwali  a ningi eindilo lyobail mu January nuumvo.

Epangelo olili ompinge nokumu etha pabail,omolwa uunene wiipotha noshipotha shoshene,ompito yoku idhopa magandji yoombangi,sho itashi kala wo muuwanawa wuuyuki nowoshigwana.

Angula ota tamanekwa pamwe nayakwawo yane,omolwa okuya,shaali paveta momatungo go  Namdia mu Jan gwa piti,taya kondekelemo aanilonga ,noku yakamo uuwe wa konda 50 000.

Aafekelwa,otaya pewa wo ombedhi oku kambadhala oku manga noku yaha sigo eso omunambelewa kuluntu gwegameno mehangano Francis Eiseb.

Angula ta lombwele ompangu kutya ita fadhukapo,tati wo kapena uumbangi wuukilila mboka wemu tula pehala lyoshiponga.