Oshiwana moshitopolwa Ohangwena sha twaalelwa omayakulo ouhaku nedakadaka

Edakadaka loshikondo sho polifi yoshilongo okwa lopotwa la yandjwa koshitopolwa shOhangwena omandaxa opo lika kwafele moku twaalela oshiwana omakwafelo ovo vaningwa oihakanwa yomeva efudja.

Omikunda dili moshiponga shomeva moshitopolwa sha Hangwena ongaashi Onghala B, omukunda oo tauhangwa moshikandjo hoololo sha Ongenga.

Oo eli  ngoloneya woshitopolwa, shOhangwena  Sebastian Ndeitunga okwali aya pamwe no vanambelewa vouhaku ovo vali mokadakadaka oku twaalela ovakwashiwana omakwafo ouhaku keenele da kumwa komeva.

Ovanambelewa vouhaku ova yandja omakwafelo ounamiti kovakwashiwana ovo vakondekelwa komeva momidingonoko davo noita vadulu okuya koipangelo ile keefikola omolwo omeva aninga mahapu.