Komufala Ndafudha Iifo oye omukuluntu gopolisi omupe moshitopolwa Oshikoto,okutameka omwedhi taguya

Omukuluntu gopolisi yoshilongo Joseph Shikongo okuulike Komufala Ndafudha Iifo onga komanda gopolisi moshitopolwa Oshikoto okutameka omwedhi taguya.

Momushangwa,omukupopiliko gopolisi yoshilongo Omupevi komufala Kauna Shikwambi okwati Iifo okwa yelwa okuza puupevi  komufala okuya po rank yuukomufala, nokwa kuthwa koshikondo shomadheulo neyambulepo ko Ruben Danger Ashipala Police training centre moshitopolwa Oshana.

Omanga omukuluntu gopolisi moshitopolwa Oshikoto Komufala Theopolina Kalompo Nashikaku a falwa koshikondo sheekelelo lyiimbuluma koombonge dhopolisi moshilandopangelo onga omukuluntu gwasho.

Nota pingenapo komufala Tylvis Kampolo,ngoka tayi moshipundi shopenzela pehulilo lyomwedhi nguka.