Ominista yuuhaku Dr Esparance Luvindao okwa endulula oku vula kwa Namibia oku kalekapo eyamukulo lyo HIV-AIDS,nonando pena omaipulo getetulo lyomakwatho gopauyuni gepango lyo antiretroviral therapy (ART)

Ta popile o budget yuuministeli Dr Luvindao okwa dhenge omuthindo kutya epangelo olya kala noku landa omiti dhoku lelepeka oonkalamwenyo dhiihakanwa yo HIV-AIDS okuza mo 2016 ,nonkee liitulamo oku kalekapo oshinakugwanithwa shika.
ta gwedhako wo kutya uuministeli onkee wiitulamo oku kalekapo omayakulo gepango lyo TB,oku pitila momikalo dha yooloka,noku talako esimano lyuuyene wopashigwana woopolohalama dhomikithi dhowina dhoka kwali hadhi yambidhidhwa kepangelo lya America oshowo kaagandji yalwe yooshali yopashigwana.