Aanilonga yoku opaleka ya Muni gwa Windhoek oya thaneka okuya mekanka oshiwike tashiya taya pula oonkalo dhiilonga dha nawapala

Aanilonga ya Muni gwa Windhoek koshikondo shiiyekelwahi oya thaneka okuya mekanka lyopaveta okutameka oshiwike tashiya,sha landula oomvula dhoonkambadhala dhoka inaadhi pondolasha okuya moonkundathana nomugandji gwiilonga ,omolwa oonkalo dhiilonga.

Ta tseyitha ekanka lya thanekwa ohela,omukalelipo gwaanilonga John Paporo okwati aanilonga oya wayimina omahangano ga yooloka gaanilonga oku yamukula oshinima shika,ashike kapena shoka sha potokononwa,noku etitha ya shangithe enyenyeto nombelewa ya komufala gwiilonga kuyele nuumvo.

Paporo natango okwiindiile ominista yeyambulepo lyokomikunda noondoolopa James Sankwasa iidhopemo,noku potokonona oshinima shawo pamukalo gopambili.

O Nampa oya lopota kutya moku yamukula,omupopiliko gwa Muni Harold Akwenye okwati oshilando osha tseyithilwa ekanka lyopaveta ,noya gandja ekwashilipaleko kutya otapa ka tulwa omilandu oku shilipaleka kutya aakalimo inaya gumwa.

Paporo tati ekanka otali tsikile sigo omakemo gawo ga yamukulwa.