Uuministeli wuuhaku nonkalo nawa ohela owa tamekitha osheetwapo tashi lalakanene oku sinda omashongo moshikondo shuuhaku okuthika ku April 2026

O Vision April 2026 oya tseyithwa kominista Esperance Luvindao pethimbo lyoshigongi yamukulo sho National Health Facility Assessment.
Minister ta holola kutya pokati kaga 8-15 Sept nuumvo,uuministeli owa ningi omapekapeko gomuule oku nongonona omandiki guuhaku moshilongo ashihe,noku etapo omayamukulo komashongo.
Ta holola kutya olopota yomapekapeko oya holola ompumbwe yeendelela oku kondjitha uupyakadhi ngaashi ekondololo keelelo lyo infection lya nkundipalaa,iilongitho yuunamiti itaayi longo nenge inaayi gwana,ompumbwe yaanilonga momayakulo ga simana ,oshowo omashongo galwe.
Minister ta holola kutya o Vision April 2026 oyili oshitsa sha simana okutula oonzo menkondopeko lyokugandja omayakulo guuhaku,okupungula momakwatathano ga simana oshowo miilongitho yuunamiti.
Ta gwedhako kutya osheetwapo shika otashi ka endeleleka olweendo lwa Namibia okwaadha o Universal Health Coverage,noku shilipaleka kutya kehe omukwashigwana okuna ompito oku mona omayakulo guhaku gongushu.