Omuleli gongundu yo PDM McHerry Veenani okwa tindi ontotwaveta ya thanekwa yo Public Enterprises Governace Amendment Bill

Omuleli gongundu yo PDM McHerry Veenani okwa tindi ontotwaveta ya thanekwa yo Public Enterprises Governace Amendment Bill,teyi hokolola kutya oyili oshiponga kepangelo ewanawa,noku indila opaalamende noshigwana shi tinde omalundululo ga thanekwa.

Megumbo lyopashigwana ohela,Veenani okwati ontotwaveta ndjoka tayi kongo okupa ombelewa ya prime minister oonkondo oku talela omahangano gepangelo,oyili oshiponga kepangelo ewanawa nuundikuwetikile,oshowo iilonga ya manguluka yomahangano ga yama kepangelo.

O Nampa oya lopota kutya Veenani ota pula opaalamende,omahangano goshigwana,oshikondo shopaumwene naa Namibia ayehe mboka yiitaala mepangelo ewanawa oku tinda ontotwaveta ndjika.

Ontotwaveta otayi ka pa prime minister oonkondo okuulika nenge oku kutha miilonga iilyo yewiliko naanambelewa kuluntu yomahangano ga yama kepangelo,noku tulapo  oondjambi, noku gandja omalombwelo ngoka taga kala taga dhengele momahangano gepangelo.

Veenani ta gandja oshiholelwa sho Meatco no Namdia,kunkene eidhopemo lyopapolitika momahangano gepangelo lyeetitha omazo miilonga,okwaahena engungumano oshowo okwaahena einekelo lyoshigwana.

Ontotwaveta tayiikundwa,otayi lalakanene oku ningila omalunduluko o Public Enterprises Governance Act yomumvo 2019,paku talulula omafatululo gamwe ,noku lundululila oonkondo dhontumba niilonga yomahangano gepangelo okuza kuuministeli tau opalele okuya ku prime minister.