South Africa otaka tameka nowenda yoku keelela o HIV omumvo taguya

Ominista yuuhaku mo S.A Aaaron Motsoaledi okwa tumbaleke ethaneko lyokutameka okugandja owenda oompe yoku keelela o HIV ndjoka tayi ka lundulula ekondjitho lyoshilongo ko AIDS,ashike okwa londodha kutya owenda otayi kala ya ngambekwa petameko.

Owenda hayi gandjwa lwaali momvula,ya tseyika onga o lenacapavir nenge LEN oyuulika tayi longo oo % 100 oku keelela o HIV mokati kaakiintu aagundjuka,ongundu ya gumwa unene kiipotha iipe.

Noyuulika wo tayi longo moongundu dhilwe dhoka dhili moshiponga.

O Africa news oya lopota kutya oowenda dhotango dha gandjwa kohi yomukuli goodola oomilion 29 go Global Fund otadhi kaadha aantu etata milion moshiluku shotango tashi tameke mu April 2026.

Etopolo otali ka tala kiikandjo 23 yili moshiponga miikandjo ihamano,taku longithwa uupangelogona wepangelo 360.

Aanambelewa oyati okuninga oshilalakanenwa mboka yeli moshiponga otashi kala noshilanduli oshinene oku tetula iipotha iipe.

Minister tati ngele aantu oyendji oya kutha owenda ,nena South Africa otashi vulika a hulithepo o HIV no AIDS meni lyoomvula 14 sigo 18.

Ashike okwa londodha kutya omakwatho gopashigwana ga tetulwa ,unene okuza ko USAID,osha tula nale moshiponga oopololeka dho TB no HIV.

Ehangano lyuundjolowele muuyuni olyazimine elongitho lyo Lenacapavir ,ndjoka ya ndulukwa kehangano lyo Gilead Sciences.