Ohela omupresident Netumbo Nandi Ndaitwah okwa tsakanene newiliko lyongundu yo Republican Party oshowo ongundu yo Body of Christ

(Efano:Namibian Presidency via Facebook)

 

Osheendo shongundu yo RP osha kwatelwa komeho komupresident gwayo Henk Mudge,onga oshitopolwa shoonkundathana dhe dhili metifa noongundu dhoopolitika okuyela oonkundathana,elongelokumwe nuukumwe wopashigwana.

Pethimbo lyoshigongi,Mudge okwa tumbaleke omupresident okuyumudhapo oonkundathana noongundu dhoopolitika,oshinima shoka tati okwali sha tamekithwa pethimbo lyomupresident Hifikepunye Pohamba.

Teendulula eitulemo lyongundu kopolitika tayi tungu,tati kayeshi aatondi yepangelo,ashike otaya tala koku yamuukula iipambele yeipulo lyopashigwana,oku konga omayamukulo,noku yambidhidha oonkambadhala dhoka tadhi fala oshilongo komeho.

Omanga osheendo sho Body of Christ kwali sha kwatelwa komeho ku Bishop Festus Thomas.

Bishop Thomas ta holola olupandu omolwa oonkundathana nomupresident,tati ehiyo olili lyopandjokonona moshilongo.

Ta gwedhako kutya Namibia otuulike uuka kondjila ombwaanawa ya palelwa epondolo nuukumwe washili wa Namibia limwe,oshigwana shimwe.

Bishop Thomas ta tumbaleke oonkambadhala dhepangelo dhomatululo gomavi,ta dhenge omuthindo ompito yi thike pamwe yoku kala nevi,hoka ati otaku pupaleke omahilathano gopapolitika noku tunga oshigwana shoongundu dhaza inaadhi talika monakuziwa,mwa kwatelwa aakiintu,aagundjuka,aatembuki naantu yena uulema.