Omupresident Nandi Nandi Ndaitwah ohela okwa tamekitha oospan dhopashigwana dhopautekinika dhili ndatu,oku yamukula omashongo ga palamena oshilongo

Omupresident Netumbo Nandi Ndaitwah  ohela okwa tamekitha oospan dhopashigwana dhopautekinika dhili ndatu, yimwe yoku yumudha eliko,yimwe yinasha nevi nomagumbo,nayimwe yuuhaku,eitulemo lya simana lya ningwa pethimbo lyomutumba go Namibia Public Private Forum oshowo oshitopolwa sho NDP6.

Ombelewa yomupresident oyati Namibia ota tsikile oku taalela oondando dhuupilo tadhi londo,oompito dhiilonga dha ngambekwa,egandjo lyomayakulo lyaa thike pamwe,ompumbwe yomagumbo,noyevi,oshowo oshikele shomulandu guuhaku.

Omashongo ngoka,ombelewa yomupresitend oyati itaga kandulwapo muuwike.

Oospan dhopautekinika oompe,odheeta pamwe aanongo okuza mepangelo,moshikondo shoongeshefa,iilonga,momahangano goshigwana,aanongeki,oshowo momahangano gomaiatalo oku yapo nomayakulo momashongo ga tumbulwa.

Omupresident ta pandula iilyo ayihe omolwa eyakulo lyawo lyopaiyambo,nokwiindiile uukumwe wopashigwana,tati epondolo olya pumbwa oshinakugwanithwa tashi topolwa,omadhilongoo giikalekelwa,oshowo ondjungu.