China nena okuuvaneke  ta pe Cuba eyambidhidho nekwatho, sha landula eendululo lyomambandameko okuza ku America

Efano(cnnespanol)

 

 

China nena okuuvaneke  ta pe Cuba eyambidhidho nekwatho, sha landula eendululo lyomambandameko okuza ku America,ngoka iiwike ya piti a kutha koshipundi omupresident gwa Venezuela Nicolas Maduro.

Beijing na Havana oyeli ookuume kuulethimbo,nomalelo ga China ga kala noku tinda ekondeko lyopaliko lya tulilwamo Cuba uule woomvula ku America.

Omahilathano ogiindjipala omwedhi nguka sho omupresident gwa America Donald Trump a londodha kutya Cuba okwa pyakudhukwa oku gwa.

Trump ta lombwele Havana a ninge ompangela nenge a fute ondando yi thike puya Venezuela,ngoka omuleli omukulu Maduro a kwatwa moshikonga sha America shoboma mu 3 January ,shoka sha dhipaga aantu yontumba.

Omupopiliko giikwapondje ya China Guo Jiakun nena momutumba gwiikundaneki okwati China ota holola eikwatopomutima noku tinda oonkatu dha America ku Cuba.

China  tiindiile America,a hulithepo oku dhina ombili negungumano moshitopolwa,noku indila wo Washington a kuthepo ekondeko noondjindikila dhoka a tulilamo Cuba.