Oondjila dhontumba odha pata moshitopolwa Kharas omolwa omafundja

O Roads Authority oya tseyitha epato pakathimbo lyoondjila moshitopolwa Kharas sha landula omvula nomafundja ngoka ga yonagula oondjila odhindji

Momushangwa gwiikundaneki metiyali,o RA oyati oondjila otadhi patwa oku shilipaleka egameno lyaalongithii yoondjila.

Naahingi otaya londelwa ya kale nuukeka noku longitha oondjila dhilwe uuna yuuka komahala ga gumwa.

Oondjila dha gumwa omwa kwatelwa yo District Road 1077 okuza ko Keinachas okuya ko DR 1075 Asab,yo D1088 monooli ya Gibeon,ondjila onene yo MR25 okuza ko Karasburg yuuka ko Aroab pokati koo Km 50 no 70 no DR1075 okuza ko DR1089 okuya ko Asab.